विशेष प्रतिनिधी
Avadhoot Wagh मुख्यमंत्री पदाबाबत उलट सुलट राजकारण झालं तर 1000 कार्यकर्ते स्वतःला जाळून घेतील.मी त्यातला एक..असे भाजप नेते अवधूत वाघ यांनी म्हटले आहे.Avadhoot Wagh
महाराष्ट्रात भारतीय जनता पक्ष , शिवसेना आणि राष्ट्रवादी काँग्रेस यांच्या महायुतीने बंपर यश मिळवलं आहे. यानंतर आता राज्याचा मुख्यमंत्र्यांची माळ कुणाच्या गळ्यात पडणार याकडे सर्वांचे लक्ष लागून आहे. या निवडणुकीत भारतीय जनात पक्षाने महाराष्ट्रात आतापर्यंतची सर्वोत्तम कामगिरी केली. महायुतीला 235 जागा मिळाल्या आहेत. तर भाजपला 132 जागा मिळाल्या आहेत. त्याचबरोबर मुख्यमंत्री एकनाथ शिंदे 57 जागांसह दुसऱ्या क्रमाकांवर आहे. तर अजित पवार यांना ४० जागा मिळवल्या आहेत. त्यामुळे आता मुखमंत्री पदाची माळ कुणाच्या गळ्यात पडणार या बाबत उत्सुकता वाढली आहे. असे असताना आता भाजपच्या एका नेत्याने खळबळजनक ट्विट केलं आहे. यामुळे चर्चांना उधाण आलं आहे.
महाराष्ट्राच्या मुख्यमंत्रीपदासाठी गदारोळ सुरुच आहे.या विजयानंतर एनडीएला मुख्यमंत्र्यांच्या चेहऱ्याबाबत अद्याप कोणताही निर्णय घेतलेला नाही. फक्त महाआघाडीत सामील असलेल्या तिन्ही पक्षांच्या नेत्यांना आपापल्या नेत्यांना मुख्यमंत्री व्हायचं आहे. भाजप असो, शिवसेना शिंदे गट असो की राष्ट्रवादी अजित पवार गट तिन्ही पक्षांचे नेते मुख्यमंत्रीपदावर दावा करतात. त्यातच भाजप नेते अवधूत वाघ यांचे ट्विट चर्चेत आले आहे. मुख्यमंत्रीपदावरून अवधूत वाघ यांनी ट्विट केले की, मुख्यमंत्रीपदासाठी महाराष्ट्राची निवड देवेंद्र फडणवीस आहेत. मी आताच सांगून ठेवतो, जर उलट सुलट राजकारण झालं तर 1000 कार्यकर्ते स्वतःला जाळून घेतील.मी त्यातला एक…असं ट्विट त्यांनी केलं आहे. या ट्विटमुळे खळबळ उडाली असून दुसरीकडे मुख्यमंत्रीपदासाठी निवडणूक रिंगणात असलेले देवेंद्र फडणवीस आणि एकनाथ शिंदे यांची नावे आघाडीवर आहे. महाराष्ट्रात भाजपने ऐतिहासिक विजय नोंदवला आहे. अशा स्थितीत आम्ही सर्वात मोठा पक्ष असून मुख्यमंत्री हा भाजपचाच असावा, असा दावा भाजप नेते करत आहेत.
दुसरीकडे अडीच वर्षे मुख्यमंत्री म्हणून उत्कृष्ट काम केल्याचा दावा एकनाथ शिंदे यांनी केला. त्या जोरावर महायुती पुन्हा सत्तेत आली आहे. अशा स्थितीत एकनाथ शिंदे यांना मुख्यमंत्री करावे, असं त्यांचं म्हणणं आहे. या दोघांशिवाय महाआघाडीत सामील असलेल्या तिसऱ्या पक्षाने राष्ट्रवादी अजित पवार यांनी मुख्यमंत्रीपदासाठी दावा केला आहे. निवडणुकीत राष्ट्रवादीचा स्ट्राईक रेट जास्त राहिला आणि अजित पवार मुख्यमंत्री होऊ शकतात, असा दावा ज्येष्ठ राष्ट्रवादी नेते छगन भुजबळ यांनी केला आहे.
