विशेष प्रतिनिधी
पुणे : मारकडवाडीतील नौटंकीनंतर आता महाविकास आघाडी ईव्हीएम आणि विधानसभा निकालाबद्दल सर्वाच्च न्यायालयात धाव घेणार आहे. लवकरच महाविकास आघाडीकडून याचिका दाखल केली जाणार आहे.
विधानसभेत झालेल्या पराभवानंतर महाविकासआघाडीकडून ईव्हीएमवर आक्षेप घेतला जात आहे. अनेक नेत्यांनी ईव्हीएमला विरोध करण्यास सुरुवात केली आहे. महाविकासाआघाडीकडून बॅलेट पेपरवर मतदान प्रक्रिया घेतली जावी, अशी मागणी सातत्याने केली जात आहे. तसेच याविरोधात याचिका दाखल करावी, अशी मागणी होत होती. अखेर काल यासंदर्भात राष्ट्रवादीचे नेते शरद पवार यांच्या दिल्लीतील निवासस्थानी एक महत्त्वाची बैठक पार पडली. या बैठकीत महाविकासआघाडीकडून EVM आणि विधानसभा निकालाविरोधात सर्वोच्च न्यायालयात धाव घेतली जाणार असल्याचा निर्णय घेण्यात आला आहे.
Ladki Bahin Yojana : मुख्यमंत्री लाडकी बहीण योजनेच्या लाभार्थींची होणार कठोर पडताळणी
राष्ट्रवादी शरद पवार गटाचे नेते प्रशांत जगताप यांनी दिलेल्या माहितीनुसार, नुकतंच महाविकासाआघाडीच्या काही नेत्यांची एक बैठक शरद पवारांच्या दिल्लीत निवासस्थानी पार पडली. या बैठकीदरम्यान सर्व नेत्यांनी EVM आणि विधानसभा निकालाविरोधात आपपली मतं मांडली. या बैठकीत आप नेते अरविंद केजरीवाल यांनी महाराष्ट्रातील मतमोजणीत गडबड झाल्याचे म्हटले आहे.
ईव्हीएममध्ये झालेली गडबड आणि निकालाबद्दलची अनियमितता याबद्दल आम्ही ज्येष्ठ विधिज्ञ अभिषेक मनू सिंघवी यांच्याशी चर्चा केली. या चर्चेनंतर दोन दिवसांनी आम्ही हा सर्व डेटा घेऊन साधारण शुक्रवारी सर्वोच्च न्यायालयात याचिका दाखल करु. यावेळी सर्व पराभूत उमेदवारही सोबत असतील, अशी प्रतिक्रिया प्रशांत जगताप यांनी दिली.
After the gimmick in Markadwadi, the Mahavikas Aghadi will go to the Supreme Court
महत्वाच्या बातम्या
- Pankaja Munde : पंकजा मुंडेंनी घेतली मुख्यमंत्री देवेंद्र फडणवीसांची भेट; मराठवाड्यातील समस्यांवर, कामगारांच्या स्थलांतरावर चर्चा
- Rahul Narvekar : राहुल नार्वेकर पुन्हा होणार विधानसभा अध्यक्ष; फडणवीस-शिंदेंच्या उपस्थितीत दाखल केला अर्ज
- Jaishankar : जयशंकर म्हणाले- रशिया-युक्रेन चर्चा भारतामार्फत सुरू; आम्ही कधीही डी-डॉलरायझेशनचा पुरस्कार केला नाही
- Mohan Bhagwat : ‘गीता हा म्हातारपणीच वाचण्यासारखा ग्रंथ नाही, लहानपणापासून वाचा’
